I Certame GOBTEC de Software Libre
I Certame GOBTEC
de Software Libre
Un concurso de ideas para empresas e persoas emprendedoras galegas que queiran achegar solucións de software libre a un reto real das administracións locais. Organiza AGASOL, coa colaboración de Startup Galicia.
Reto desta edición
Plataforma de xestión e reserva de instalacións deportivas municipais
Instalacións deportivas municipais, xestionadas dun xeito máis áxil
Moitos concellos galegos, especialmente os de menor tamaño, seguen xestionando o acceso ás súas instalacións deportivas por teléfono, correo ou atención presencial, cunha baixa visibilidade da dispoñibilidade real e procesos de cambio ou cancelación pouco áxiles. Buscamos unha solución dixital, reutilizable e accesible.
🧑🤝🧑Cidadanía
- Consulta de instalacións
- Reserva online
- Modificación e cancelación
- Historial e avisos
🏛️Concello
- Alta e mantemento de instalacións
- Xestión de horarios e normas de uso
- Indicadores básicos de seguimento
🔁Reutilización pública
- Solución replicable e escalable
- Configurable por cada municipio
- Preparada para uso multi-municipio
🔓Condicionantes técnicos obrigatorios
- Software libre con licenza recoñecida (OSI/FSF)
- Arquitectura aberta: web responsive e modular
- Interoperabilidade e estándares abertos
- RXPD e xestión segura de usuarios
- Accesibilidade
⭐Aspectos valorables (opcionais)
- App móbil
- Calendarios persoais
- Accesos mediante código QR
- Analítica de uso e recomendación horaria
Quen pode participar e como se presenta a proposta
✅Requisitos
- Empresas, persoas emprendedoras e entidades tecnolóxicas con domicilio social ou centro de traballo en Galicia
- Capacidade demostrable para desenvolver solucións de software libre
- Unha única proposta por entidade participante
📄Documentación a presentar
- Memoria técnica (máx. 10 páxinas, PDF), segundo a plantilla oficial
- Datos de contacto da entidade
- Opcional: mockup, prototipo ou demo funcional
Como se valoran as propostas
Un xurado composto por representantes de AGASOL, a Xunta de Galicia/GOBTEC, un concello, Startup Galicia e unha persoa experta independente en software libre avaliará todas as propostas recibidas.
Comprensión do reto
Grao de axuste ao problema formulado
Cobertura funcional
Resposta ás necesidades de cidadanía, concello e condicionantes técnicos
Viabilidade de implantación
Facilidade de adopción real por parte das administracións locais
Potencial de reutilización
Capacidade de converterse nun activo público replicable
Datas clave do certame
Tes unha solución de software libre para este reto?
Consulta as bases completas do certame, descarga a plantilla oficial da memoria técnica e presenta a túa proposta antes do 19 de novembro de 2026.