A Lei de Ciberresiliencia: consecuencias para as empresas galegas

A Lei de Ciberresiliencia (CRA) mellora as normas de ciberseguridade dos produtos que conteñen un compoñente dixital, esixindo a fabricantes e minoristas que garantan a ciberseguridade durante todo o ciclo de vida dos seus produtos, de cara a protexer a particulares e empresas que os merquen e utilicen. Así, trata de determinar que produtos son ciberseguros e como configuralos de forma segura.

AGASOL, no marco do convenio de colaboración coa AMTEGA, impulsa a xornada “A Lei de Ciberresiliencia: consecuencias para as empresas galegas” que terá lugar no GaiásTech durante a mañá do xoves 27 de marzo.

O obxectivo desta xornada é achegarnos ás implicacións e desafíos da posta en marcha da Lei de Ciberresiliencia (CRA),  así como aos requisitos en materia de ciberseguridade para empresas e persoas desenvolvedoras de servizos e produtos tecnolóxicos.

O evento é gratuíto pero con prazas limitadas que se cubrirán por orde de inscrición.

Para aquelas persoas que non poidan asisitir de forma presencial, habilitarase unha canle para seguir a xornada en streaming, pero é preciso inscribirse marcando a cuadrícula streaming.

Premendo nesta ligazón poderás obter máis info e formalizar a túa inscrición.