Converte o teu PC nunha máquina recreativa

Agasol organiza o Obradoiro “Converte o teu PC nunha maquina recreativa”

o día 28 de setembro de 11:30h a 13:30h. Obradoiro impartido pola Oficina de Software Libre de Ames dentro das súas actividades de divulgación das novas tecnoloxías en Software Libre.

Se botas de menos aqueles tempos nos que pasabas horas gozando deses divertidos xogos arcade, pois xa non fai falta que che movas da túa casa para poder xogalos. En poucas palabras, podes crear a túa propia máquina recreativa utilizando ese antigo PC que tes acumulando po na túa casa grazas ao Software Libre.

Transformar un PC antiguo nunha máquina recreativa é posible

Non fai falta ser técnico electrónico para poder “crear unha máquina recreativa”. Tendo os elementos necesarios, pódese transformar calquera computador nun arcade.

• CANDO? O sábado, 28 de setembro de 2024 desde as 11:30h ás 13:30h.

• ONDE? Oficina de Software Libre e Banco de Reciclaxe de Ames – Agro do Medio, 8 – Milladoiro(A Coruña) – Antigo Centro de Saúde do Milladoiro.

Localización do local da Oficina e Banco de reciclaxe.

Parking público preto do local.

Inscrición de balde: Apuntate aquí

Proxecto financiado con fondos públicos polo Concello de Ames.